1 دقيقة قرائية

بيفابت هو برنامج يتكلموا فيه اثنين بمواضيع تقنية، بدأناه انا والرهيب (عبدالرحمن الرحمة) عشان نحاول ننشر خبارتنا المتواضعة في امور تقنية. الفكرة الاسياسية من الحتوى انه يكون:

  • عربي فالاغلبية (نستخدم الانقليزية في المصطلحات الدارجية في المجال ليسهل توصيل المعلومة)
  • يكون اقل كمية تنظير ممكنه
  • ويكون لايڤ عشان نسمح للناس يدخلوا يشاركونا المحتوى؛ فالاخير هو مو بودكاست هو بث مباشر. البرنامج كل يوم سبت الساعة 1:30 ظهرا بتوقيت الرياض، شاركنا لو مهتم! 🙌🏻

في الحلقة الرابعة من بيفابت صرنا شويه high-level وجيناكم نناقش نمط معماري او architectural pattern. الـmicroservice (او على قولت عبدالرحمن: الخدمات الصغنطوطة) احيانا تكون “موضة” اكثر من انها تكون اداة في علبة ادواتك تساعدك على حل مشاكل معينة. 🧰

في الحلقة هذي اتكلمنا عن “المشاكل المعينة” اللي الـmicroservice ممكن تكون تطبيق مناسب لها. اتلكمنا برضه عن التعقيد اللي ممكن يكون في غير مكانه (over-engineering) وممكن ينضاف بسبب استخدامك لهذا النمط المعماري الظريف (احيانا 😅). بعدها تحدثنا عن اهم العوامل اللي تحدد كيف تطبق هذه الـarchitectural pattern بشكل نظيف وصحيح، وركزنا على واحد من اهم العوامل اللي هو حجم الخدمة او الـgranularity. 🫘

وبرضه حاولنا نتكلم عن تعريف الـmicroservice وايش هيا بالضبط، مثل شرحنا للـbounded context والـeventual consistency. هذه نقطة مهمة لان في الكثير من الاحيان يظن البعض ان الـmicroservice هي مجرد “خدمات في repos صغيرة نسبيا” واستندنا في الشرح على صورة من الكتاب الرهيب Fundamentals of Software Architecture 📕 Microservice Pattern - From Fundamentals of Software Architecture

الحلقة هذي شويه ادسم مما مضى، لكن فيها فائدة كبيرة ان شاء الله لأحدى اهم انماط المعماريات البرمجية وأكثرها شيوعا. 🚀

تقدر تشوفها على يوتيوب الآن

اتمنى لكم مشاهدة ممتعة، وكأي شخص يحط اي شي فالحياة على يوتيوب، لازم اقول لا تحرمونا من اللايك والسبسكرايب. 😉

اترك تعليق

قد يعجبك أيضا